Кулун тутар 12 күнүгэр биһиги оскуолабыт Үөһээ Бүлүүгэ Тобуруокап аатынын культура киинигэр «Уус удьуорбутун утумнаан» диэн бастакы атыы – эргиэн быыстапкабытын ыыттыбыт. Манна оскуолабыт иһинэн үлэлиир  Чап уустарбыт бэйэлэрэ тимири уһааран оҥорбут араас оҥоһуктарын киллэрэн дьон кэрэхсэбилин ыллыбыт. Даҕатан эттэххэ: остуол, олоппос, ыскамыайка, шашлык буһарар мангал, бөх ууруната, сибэкки уурар долбуурдарын араас көрүҥэ, быһах арааһа уо.д.а.

Ону таһынан, илиилэригэр талааннаах учууталларбыт уонна үлэһиттэрбит бэйэлэрин оҥоһуктарынынан дьон интэриэһин тартылар.

Александр Романович «муос» куруһуогар оҕолор оҥорбут араас оҥоһуктарын киллэрдэ.