Дьүөгэ Ааныстыырап 100 сааһыгар. - 24 Февраля 2014 - Официальный сайт МБОУ"Кентикская СОШ"

Приветствую Вас, Гость

Главная » 2014 » Февраль » 24 » Дьүөгэ Ааныстыырап 100 сааһыгар.

15:19 Дьүөгэ Ааныстыырап 100 сааһыгар.
Никифор Кирикович Седалищев – Дьүөгэ Ааныстыырап Үөһээ Бүлүү биир бастакы суруйааччыта, республикаҕа бастакы оҕо суруйааччыларыттан биирдэстэрэ. Кини суруйааччы, учуутал, журналист буолан сайдан испит оло5ун 31 сааһыгар Аан дойдуну атыйахтаах уу курдук аймаабыт Аҕа дойду сэриитэ быспыта. Ааспыт 2012 сылга улууспут баһылыга Владимир Семенович Поскачин суруйааччы аатын Кэнтик орто оскуолатыгар инэрэр туһунан №1 ПГ уурааҕынан бигэргэппитэ. Быйыл Дьүөгэ Ааныстыырап 100 сааһын көрсө биһиги оскуолабыт үөрэнээччилэрэ, учууталлара кэккэ ситиһиилэрдээх көрсөн эрэбит. Ахсынньы 15 күнүгэр улуус иһинээ5и «Дьүөгэ Ааныстыырап ааҕыылара» алын сүһүөх кылаастарга ыытылынна. Ахсынньы 26 күнүгэр 7-с кылаас үөрэнээччитэ, «Кылыһах» фольклорнай ансамбль солистката, Тарагаева Чэлгиэрийэ Россия президена В.В.Путин ёлкатыгар ыңырыылаах ыалдьыт буолан кэллэ, (салайааччыта Мойтохонова Айталина Михайловна). Тохсунньу 9 күнүгэр ыытыллыбыт Республикатаа5ы «Инникигэ хардыы» НПК-ҕа 6-с кылаас үөрэнээччитэ Неряева Сардаана, салайааччыта, нуучча тылын учуутала, Игнатьева Розалия Семеновналыын «Остаться в песнях Родины святой» диэн дакылааттарынан лауреат үрдүк аатын ылан, Казань куоракка ыытыллар конференцияҕа ыңырыы туттулар. 9-с кылаас үөрэнээччитэ Петрова Сиибиктэ биология олимпиадатыгар бастаан республика олимпиадатыгар кытынна, (биология учуутала Петрова Надежда Николаевна). 7-с кылаас үөрэнээччитэ Андреев Айастаан нуучча дуобатыгар маастарга кандидат нуорматын толордо, «Кэскил» редактора А.Павлов—Дабылы хотто, хамаанданан 2 миэстэни ыллылар (тренера оскуола директора Филиппов А.С). Республикаҕа ыытыллыбыт Олоҥхо Декадатын чэрчитинэн Саха театрыгар Кирилл Никонович Никифоров «Хабытта Бэргэн» олоҥхотун 4-с кылаас үөрэнээччитэ Семенов Рустам, 8-с кылаас үөрэнээччилэрэ Мойтохонов Арылхан, Михайлов Толя, 9-с кылаас үөрэнээччилэрэ Манжурьев Вася, Тарасов Гарик ситиһиилээхтик толорон кэллилэр. Республика Президенин ёлкатыгар 11 кылаас бастыҥ үөрэнээччитэ Филиппова Катя сырытта. Никифор Кирикович Седалищев – Дьүөгэ Ааныстыырап Кэнтиктэн төрүттээх, билиңңитэ со5отох киэн туттар суруйааччыбыт, буойун-офицер ситэ олорботох оло5ун, дьоллоох олохпут туһугар оло5ун толук уурбутун сыаналаан кини аатын киэн тутта, өрө тута сылдьыахтаахпыт. 12.03.13 с.
1 2 3 4 5 Просмотров: 653 \| Добавил: tnn15 \| Рейтинг: 0.0/0

Всего комментариев: 0

Добавлять комментарии могут только зарегистрированные пользователи.
[ Регистрация | Вход ]