Ааспыт нэдиэлэӄэ, ол эбэтэр сэтинньи 21 күнүгэр  биһиги оскуолабытыгар улуус үрдүнэн аан бастакынан ыытыллар «Лучший школьный повар - 2013» күрэх буолан ааста. Уопсайа 9, (Нам, Мэйик, Ороһу, Кэнтик, Боотулуу, Балаӄаннаах, Хоро, Үөһээ Бүлүү №3 уонна №2) оскуолаларыттан повар идэтин талан, буһа – хата үлэлии сылдьар дьон кэлэн күрэс былдьастылар.

Бастакы түһүмэӄинэн кыттааччыларбыт бэйэлэрин билиһиннэрдилэр. Иккиһинэн, дьиэлэригэр эттэн уонна бурдуктан буһаран аӄалбыт астарын көмүскээтилэр. Үсүһүнэн, бэриллибит бириэмэӄэ салат астаан амсаттылар. Бүтэһик түһүмэӄинэн остуолу киэргэтии, сервировкалааһын буолла. 4 түһүмэх түмүгүнэн кыайыылааӄынан «Лучший повар - 2013» Боотулуу оскуолатыттан Николаева Мария Петровна буолла. «Минньигэс астаах асчыт - 2013» Котохонова Екатерина Константиновна (Ороһу); «Сатабыллаах асчыт – 2013» Гаврильева Евдокия Тимофеевна (Нам); онтон «Дьоӄурдаах асчыт - 2013» Прокопьева Мотрена Тимофеевна (Үөһээ Бүлүү №3) номинацияларга тиксэннэр, үөрүүлэрэ үксээтэ. Бары кыттааччылар Үөһээ Бүлүү үөрэӄириитин управлениятыттан (начальник Поскачин А.С.), профкомуттан (председатель Лазарев Л.Г.) харчынан бириэмийэлэнэн, сертификат тутан үлэлэрэ сыаналанна.

Бу күрэхтэһиини Поскачин А.С. председателлээх 5 киһиттэн турар дьүүллүүр сүбэ үрдүк таһымнаахтык сыаналаата. Күрэӄи оскуола профсоюһун чилиэттэрэ иилээн саӄалаан ыыттылар. Улууска биллэр ырыаһыттара : Матвеева А.Н. (Мичия), Владимир Самсонов уонна оскуола оӄолорун ырыаһыттарын, үнкүүһүттэрин бөлөӄө ордук тупсаран – киэргэтэн биэрдилэр.

Информацияны бэлэмнээтэ Потапова С. В.