Төрүт дьарыкпытын сөргүтэн.

      Н.К. Седалищев – Дьүөгэ Ааныстыров аатынан Кэнтик орто оскуолата Исидор Барахов аатынан Үөһээ Бүлүүтээҕи №1 оскуола бииргэ үлэлиир былаан оҥостубуппут. Ол чэрчитинэн сэтинньи ый 8 күнүгэр «Боотурдар» спортивнай күрэхтэһиилээх муус аннынан балыктааһын буолла.  Мунхаҕа барыта икки өттүттэн 130-ча киһи кэлбит. Икки мунханы түһэрэн оҕолор көхтөөхтүк үлэлээн элбэх балыгы ыллылар. Кэнтик урукку өттүгэр  муус аннынан балыктааһыны наар тэрийэрэ. Ол бу кэнники уонча сылга тохтуу сылдьыбыта.

    Оскуолабыт директора Астанова О.В. бу көҕүлээһини өйөөн, эр дьон учууталлары туруоран мунханы сөргүттүлэр, абырахтаатылар. Мунханы  тэрийэн – бэрийэн   мунханы ыыттылар оскуолабыт профсоюһун председателэ Алексеев В.И уонна агроулэҕэ директоры солбуйааччы Семенов В.Н. Барыта 4 муҥханы түһэрдилэр.

   Мунха кэмигэр «Боотурдар» күрэхтэһии олус көхтөөхтүк, өрө көтөҕүллүүлээхтик ааста. Манна 6 команда кыттыбытыттан Н.К. Седалищев – Дьүөгэ Ааныстыров аатынан Кэнтик орто оскуолатын командата бастаан оҕолор үөрүүлэрэ өссө үрдээтэ. Бу күрэхтэһиини Исидор Барахов аатынан Үөһээ Бүлүүтээҕи №1 оскуола организатора Оюрова А.А уонна

  Н.К. Седалищев – Дьүөгэ Ааныстыров аатынан Кэнтик орто оскуолата организатора Миронова М.Т. тэрийдилэр.

    Төрүт дьарыкпытын сөргүтэрбитин өйөөбүт директорга Астанова О.В. оҕолор, учууталлар, Кэнтик олохтоохторо махтаналлар. Маннык бииргэ икки оскуола үлэтэ салгыы өссө да ыытылла туруо диэн оҕолор эрэллэрэ улахан.