Биһиги оскуола коллектива оҕо сайыҥҥы сынньалаҥын куруук тэрээһиннээхтик тэрийэр . Уруккаттан оҕуруот аһын үүннэрэр «Харыйалаах» үлэ сынньалан лааҕыра  тиһигин быспакка үлэлиир.  Быйылгы лааҕырга начальнигынан Саха республикатын үөрэҕириитин туйгуна Семенова Галина Александровна, воспитателинэн Надежда Якутии знак хаһаайката Будищева Наталья Федоровна, поварынан Семенова Людмила Ивановна  үлэлээтилэр. Бу лааҕырга 25 оҕо сынньанна.

     Хаһыс да сылын  поисково – ислледовательскай палаточнай «Уус» лааҕырга уолаттар үөрүүнэн сылдьаллар. Быйылгы «Уус» лааҕыры  илиитигэр талааннаах, муосчут Иванов Александр Романович салайан үлэлэттэ.  Барыта 12 уол сырытта.  

    Оскуолабыт иһинэн «Олонхо» лааҕыра арыллан  биһиги оҕолорбутун  таһынан улуус оҕолоро дьарыктаннылар. Бу лааҕыры Саха республикатын үөрэҕириитин уонна культуратын туйгуна Мойтохонова Айталина Михайловна салайан үлэлэттэ. Оҕолорбут иҥэмтэлээх аһылыгы таһынан, араас интэриэһинэй дьарыктарга сырыттылар, элбэҕи эбии биллилэр, доруобуйаларын тупсардылар. Айталина Михайловна оҕолорбутун Францияҕа илдьэн аан дойду таһымыгар фольклорнай фестивальга кытыннарда. Оҕолор Европа дойдуларын көрөн үөрэн- көтөн, элбэҕи көрөн – билэн кэллилэр.

     Эдэр кэскиллээх директор Астанова  Ольга Васильевна Үөһээ Бүлүүтээҕи  сааһын ситэ илик оҕолорго аналлаах  реабилитационнай киин иьинэн оҕо сайыҥҥы сынньалаҥын тэрийиигэ кэлбит упкэ тендергэ кыттаары  сөптөөх докуменнары  кэмигэр оҥорон биэрбитин түмүгэр эбии икки лааҕыры аһан үлэлэттибит. Икки сезону салайда Федотова Н.А.  Ол курдук, экологическай  «Березка» лааҕыр. Бу лааҕыры Саха республикатын үөрэҕириитин туйгуна, география учуутала Филиппова Х.М. үлэлэттэ. Иккис образовательнай «Оьуор» лааҕыры Саха республикатын культуратын туйгуна Саввина Майя Васильевна үлэлэттэ.  Уопсаҕа икки лааҕырга 50 оҕо сынньанна. Оҕолор да, төрөппүттэр да оскуола директорыгар Астанова О.В. махталлара улахан.