«Олоҥхо ассоциациятыныын» көрсүһүү. - 24 Февраля 2014 - Официальный сайт МБОУ"Кентикская СОШ"

Приветствую Вас, Гость

Главная » » «Олоҥхо ассоциациятыныын» көрсүһүү.

15:30 «Олоҥхо ассоциациятыныын» көрсүһүү.
Олунньу 21-23 күннэригэр Үөһээ Бүлүү улууһугар правительство председателин солбуйааччы Феодосия Васильевна Габышева президеннээх Олоҥхо ассоциацията кэлэн биһиги улууспутугар олоҥхону үөрэтиини, толорууну кэтээн, ассоциация тэрийэн бардылар. Ол чэрчитинэн биһиги оскуолаҕа 22-с чыыһылаҕа кэлэн олохтоох музейы көрөн, олоҥхо толорор оҕолору көрөн-истэн, оскуола оҕолорун кытта кэпсэтэн бардылар. Манна 8-с кылаас үөрэнээччитэ Ксенофонтова Ангелина уонна «Кылыһах» оҕо образцовай фольклорнай ансамбылын олоҥхоһут уолаттара толорууларыгар олоҥхоттон быһа тардыылары сэҥээрэ иһиттилэр. Манна бааллар Филиппова Нина Игнатьевна, к.ф.н., в.н.с. НИИ НШ РС/Я/, Попова Галина Семеновна—Санаайа, к.п.н., профессор, М.К.Аммосов аатынан ХИФУ доцена, Бочонина Валентина Ивановна, «Арчы дьиэтэ» духовнай киин директора, Духовность академиятын учуонай секретара, Обоюкова Варвара Валерьевна, М.К.Аммосов аатынан ХИФУ Олоҥхо Институтун секторын заведующайа, Протодьяконова Елена Николаевна, Олоҥхо Республикатааҕы Киинин секторын заведующайа, “Олоҥхо ассоциациятын” ЯРОО секретариатын салайааччыта. Ассоциация Николаев М.Е. көҕүлээһининэн тэриллибитэ 15 сыла эбит. Үлэтин хайысхалара: Олоҥхону харыстааһын, тарҕатыы. Улуустарга филиаллары тэрийии, олоҥхо дьиэлэрин тутууну көҕүлээһин. 2006-2015 сс Гос программаны олоххо киллэрии, салгыы үлэни торумнааһын. Ыытыллыбыт үлэ туһунан ЮНЕСКО иннигэр отчуот. Оскуолаҕа, эбии үөрэхтээһин кииннэригэр, оскуола иннинээҕи саастаах оҕолор тэрилтэлэригэр киллэрии. Олоҥхо эйгэтин үөскэтии. Олоҥхо дьиэлэрин тутуу, араас НПК, семинардары, фестиваллары, ыһыахтары тэрийии. Олоҥхо ыһыахтара: 2007с. Сунтаарга 1-гы ыһыах 2008с. Таатта 2009с. Республиканскай комиссия быһаарыытынан Уус Алдаҥҥа, Горнайга о.д.а улуустарга ыытыллыбыта. 2014с. Хаҥалас улууһугар 2015с. Чурапчы улууһугар ыытыллара былааннанар. 5. Олоҥхону научнай өттүнэн чинчийии, тылбаас. 6. Бэчээт бородууксуйатын тарҕатыы, кинигэ, программа, диискэ, куукула. 7. Научнай фольклорнай архыып тэрийии. 8. Информационнай, культурнай эйгэҕэ киллэрии. Олоҥхо театыра тэриллэн Парижка, Москваҕа олоҥхо туруоран көрдөрдүлэр, салгыы Японияҕа НО театырыгар ыҥырыы тутан бараары бэлэмнэнэ сылдьаллар. Бу мунньахха Никифоров К.Н., Борисова Т.С., Мойтохонова А.М., Бабаранова ассоциация председателиттэн Грамота туттулар, ону таһынан Саввина М.В., Васильева Л.Н., Афанасьева А.Е., Корякин Н.П. Махтал суругу туттулар. Үөһээ Бүлүүтээҕи ассоциация филиалын салайааччытынан Анисимов Руслан Николаевич ХИТУО институтун научнай үлэһитэ ананна. (Николаева С., Максимова С., салгыыта бэчээттэниэ "АЙГЫН" пресс киин)
1 2 3 4 5 Просмотров: 462 \| Добавил: tnn15 \| Рейтинг: 0.0/0

Всего комментариев: 0

Добавлять комментарии могут только зарегистрированные пользователи.
[ Регистрация | Вход ]