Оскуолабыт, нэһилиэкпит кэскилин туһугар. (Директоры кытта кэпсэтии) - 24 Февраля 2014 - Официальный сайт МБОУ"Кентикская СОШ"

Приветствую Вас, Гость

Главная » 2014 » Февраль » 24 » Оскуолабыт, нэһилиэкпит кэскилин туһугар. (Директоры кытта кэпсэтии)

15:27 Оскуолабыт, нэһилиэкпит кэскилин туһугар. (Директоры кытта кэпсэтии)
Мин Астанова Ольга Васильевна диэммин. Оскуола директорынан 4-с сылбын үлэлиибин. Бэйэм идэбинэн английскай тыл учууталабын, оскуолаҕа үлэлээбитим 10-с сылым. Тохсунньу 22 күнүттэн бу оскуолаҕа директорынан ананан үлэбин саҕалаатым. Сүрүн сыалым оскуоланы сайыннарыы. Оскуола оҕолоро бары ситиһиилэринэн, холобура «Кылыһах» ансамбль оҕолорун курдук үрдүк таһымҥа тахсан, Дьүөгэ Ааныстыырап оскуолатын оҕолоро араас Республиканскай олимпиадаларга, күрэхтэргэ ситиһиилэниэхтэрин, тахсыахтарын баҕарабын. Инники үлэ былаана элбэх. Вторник аайы оскуола линейката ыытыллыа. Ол курдук бастакы линейкабыт ХХ-с Олимпийскай оонньууларга сыһыаннаах буолбута. Мин билиҥҥи Үөһээ Бүлүүтээҕи № 3-с оскуолаҕа, уруккутунан восьмилетка диэн ааттанар оскуолаҕа үөрэммитим, онтон Республиканскай гимназияны үөрэнэн бүтэрбитим. Ол кэннэ Мирнэйдээҕи политехническай институкка, ЯГУ филиалыгар, омук тылын үөрэтэр салааны бүтэрбитим. Учуутал үлэтин №10 профессиональнай лицейга саҕалаабытым, 2007 сыллаахтан Ю.Н.Прокопьев аатынан Үөһээ Бүлүүтээҕи №3 оскуола5а көспүтүм. Бэйэм 3 оҕолоохпун, оҕолорбун кытта бииргэ дьарыктанарбытын сөбүлүүбүт, айылҕаҕа сылдьарбытын сөбүлүүбүт. Мин массыына ыытарбын сөбүлүүбүн, кинигэ ааҕарбын, ас астыырбын олус сөбүлүүбүн. Олох туһунан сахалыы кинигэлэри ааҕарбын сөбүлүүбүн. Хас биирдии оҕо бэйэтэ личность, араас талааннаах буолар. Ону учуутал көмөтүнэн арыйан, таһааран иһиэххитин баҕарабын. Холобура, №3 оскуола5а үлэлии сылдьан “Ералаш» киинэ устааччыбыт. Манна эмиэ ол үлэбитин салгыахпытын баҕарабыт. Оҕолорго баҕа санаам, үөрэхтээх киһи буолалларыгар. Үөрэхтээх эрэ киһи үчүгэйдик олорор үйэтэ кэллэ, онон үөрэхтэнэн, идэ ылан, төрөөбүт нэһилиэккитигэр, улуускутугар, республикаҕа туһалаах дьон буола улаатыахтааххыт. Төрөөбүт нэһилиэккитигэр идэлээх специалист буолан олохсуйаргыт буоллар ордук хайҕаллаах буолуо этэ. Билигин Саха Республикатын Правительствота тыа сирэ сайдыытыгар улахан болҕомтону уурар. Усулуобуйа да куораттан итэҕэһэ суох буолан иһэр, маннык тупсаҕай таас оскуолаҕа үөрэнэбит. Атын оскуолаларга тэҥнээтэххэ быдан ордук усулуобуйалаахпыт, онон үөрэх да хааачыстыбата үрүк буолуохтаах, ол ЕГЭ, ГИА түмүктэригэр көстүөхтээх. Оскуола коллективыгар талааннаах баҕайы учууталлардаах эбиккит, онтон наһаа үөрэбин. Холобура, Мойтохонова А.М., Матвеева А.Н., Иванова С.М., Саввина М.В. уонна уус идэтигэр Иванов А.Р., Константинов П. олус талааннаах уһуйааччылар үлэлииллэр эбит, ону оҕолор туһанан үөрэниэххитин наада, кэлин идэ да ыларгытыгар көмө буолуо. (Интервьюну ыллылар: Николаева Сардаана, Максимова Саргы, 9 кылаас) 15.02.2014c.
1 2 3 4 5 Просмотров: 366 \| Добавил: tnn15 \| Рейтинг: 0.0/0

Всего комментариев: 0

Добавлять комментарии могут только зарегистрированные пользователи.
[ Регистрация | Вход ]